Noriichten

Alerte Rouge (06.02.2021)

Léif Studenten,

Ab Mëtternuecht gëllt an Holland Alerte rouge wéinst den opkommenden Wiederbedingungen. D'Temperaturen falen bis ënnert -5° an duerch verstäerkten Wand kann et gären zu Schnéistierm an veräisten Stroossen kommen. Et ass ugeroden doheem ze bleiwen an sech net ze deplacéieren.

Genau Informatiounen fannt dir hei: https://nltimes.nl/.../dutch-issue-code-red-weather-alert...

Passt op Iech op,

Ären LSNL

General Versammlung (03.02.2021)

Léif Studenten,

Fir déi déi Loscht hunn dem LSNL Comité bäizetrieden oder emol en Bléck an d'Organisatioun vum LSNL wollten geheien ass hei den Link fir eis Wanter General Versammlung den Owend um 21:00 via Zoom:

https://vu-live.zoom.us/j/93690276966...

Meeting ID: 936 9027 6966

Passcode: lsnl2021

Mir bieden Iech fir ären Virnumm an den éischten Buschtaf vun ärem Nonumm ze benotzen (z.B. Max M. fir Max Mustermann).

Mir hoffen e puer nei Gesiichter den Owend ze gesinn,

Ären LSNL

Lockdown Verlängerung (03.02.2021)

Léif Studenten,

op der Pressekonferenz vu gëschter Owend gouf decidéiert dass de Lockdown an Holland bis den 2. Mäerz verlängert gëtt. Op dëser Foto fannt dir nach eng kéier den Iwwerbléck vun den aktuelle Reegelen.

Mir hoffen dir bleift gesond a monter,

Ären LSNL

Tried dem Comité bäi (29.01.2021)

Hues du Loscht en Deel vum LSNL Comité ze ginn?

Wëlls du hëllefen en Cercle ze féieren an wichteg Aufgaben iwwerhuelen?

Oder villäicht bass du interesséiert ze gesinn wéi eng Leit dech wöchentlech um aktuellen Stand vun den Covid Reegelen halen?

Dann huel deel un eiser online Wanter General Versammlung déi en Mëttwoch den 3. Februar um 21 Auer via Zoom gehalen gëtt.

Den Zoom Link wäerten mir puer Stonnen virun der General Versammlung publizéieren.

Bis en Mëttwoch um 21 Auer.

Doei, däin LSNL

FAQ Corona Rees Restriktiounen (27.01.2021)

Léif Studenten,

An de leschten Deeg sinn ëmmer méi Froe betreffend de Corona Rees Restriktiounen (Quarantän, Transit duerch d’Belge,…) opkomm. Mir hoffen iech mat deenen heite FAQs eng besser Iwwersiicht vun den aktuelle Mesuren ze verschaafen:

Wéi eng Dokumenter soll ech ëmmer dobäi hunn?

Momentan mëscht déi Belge Police Kontrollen op de Grenzen, dofir ass et extrem wichteg déi folgend Dokumenter bei dir ze hunn fir ze beweisen dass du just en Transit duerch d’Belge mëss fir an Holland ze kommen: Mietvertrag, Certificat of Enrollment, Studentekaart a Carte d'Identité. Vergiess och net en Certificat de Résidence vun denger Gemeng matzehuelen falls du erëm zeréck op Lëtzebuerg fuere wëlls. An wanns du op Nummer sécher goen wells, kanns du "Déclaration sur l'Honneur" (https://docs.google.com/viewer?url=https%3A%2F%2Fd34j62pglfm3rr.cloudfront.net%2Fdownloads%2F20210126_BU_Declaration_sur_honneur_Finale_FR_Approuvé_Blanco_a_remplir.pdf&fbclid=IwAR3vwzuC0DWPBMIJLAe66Av-ksoI8Ly9mCdR7sJnxkWvx5v1CXCuP9cATc8) vum belsche Ministère ausfëllen, mais dat ass awer am Fall vu just engem Transit net obligatoresch.

Gin et gewësse Reegele beim Transit duerch d’Belge?

Den Transit duerch d’Belge ass erlaabt, mais mat Restriktiounen wéinst dem couvre-feu: 22-6h zu Bréissel an an der Wallonie, 24-5h a Flandren. Hei rode mir dir un dëst Dokument vum ACL reegelméisseg ze kucken: https://www.acl.lu/.../Corona-Conditions-d-entree-pour...

Duerf ech aner Persounen mam Auto mathuelen an, wann jo, wéi vill?

Zu deem Punkt ginn et momentan keng konkret Informatiounen. Mir recommandéieren dir awer net ze vill Leit mat ze huelen (vue dass een och net méi wei 1 Persoun duerf bei sech heem invitéieren). Haalt iech och do wegl un d’mesures sanitaires an/oder dot eng Mask un während der ganzer Fahrt.

Muss ech a Quarantän?

Arees an Holland: Nee, du muss net a Quarantän. Den hollännesche Gesondheetsministère recommandéiert awer dass jiddereen deen areest sech 10 Deeg a Quarantän setzt. An deem Fall kann een sech och nom 5. Dag teste loossen a bei engem negative Resultat duerf een aus der Quarantän raus.

https://www.government.nl/.../visiting.../self-quarantine

Arees op Lëtzebuerg: Nee, du muss net a Quarantän.

Brauch ech een negative PCR Test?

Arees an Holland: Wanns du mam Auto fiers muss du keen negative PCR Test virweisen. Bei enger Arees mat Bus, Zuch oder Fliger brauchs du en negative PCR Test (max. 72h). Mam Fliger brauchs du zousätzlech nach ee 4h Rapid Covid Test.

https://www.government.nl/.../mandatory-negative-test...

Arees op Lëtzebuerg: Wanns du mam Auto, Bus oder Zuch fiers muss du keen negative PCR Test virweisen. Wanns du mam Fliger zréck op Lëtzebuerg flitts brauchs du ab dem 29.01.2021 en negative PCR Test (max. 72h).

https://covid19.public.lu/.../visiter-luxembourg.html...

Falls dir nach weider Froen hutt, dann zeckt net ons ze schreiwen!

Mir hoffen dir bleift gesond a monter,

Ären LSNL

Net-essentiel Reesen an d'Belsch (26.01.2021)

Léif Studenten,

Déi belsche Regierung huet erëm entscheet fir net-essentiell Reesen an d'Belsche bis den 1. Mäerz ze ënnersoen: https://www.belgium.be/.../le_comite_de_concertation_se...

Dofir roden mir Dir erëm un bei all Rees duerch d'Belsche däin Mietvertrag, däin Certificat of Enrollment, deng Studentekaart an deng Carte d'Identité derbäi ze hunn.Vergiess och net en Certificat de Residence vun denger Gemeng matzehuelen falls du erëm op Lëtzebuerg zeréck wëlls fueren.

Ween seng Dokumenter net direkt fannen kann an d'Cedies Bourse schonn online ausgefëllt huet kann sech seng Dokumenter einfach vum MyGuichet Site eroflueden.

An wien op Nummer secher well goen, kann d'"Déclaration sur l'Honneur" vum belschen Ministère äusfëllen: https://d34j62pglfm3rr.cloudfront.net/.../20210126_BU...

Mir hoffen dir bleift gesond an monter,

Ären LSNL

Äusgangsspär (22.01.2021)

Léif Studenten,

Hei sinn déi 3 nei wichtegst Reegelen:

- Ab muer gëllt déi nei Ausgangsspär vun 21:00 bis 4:30

- Et dierf een just nach 1 Persoun heem invitéieren

- Wien mam Fliger areest muss nierwend dem 72h PCR Test elo och een 4h Rapid Covid Test virweisen

Liest Iech weg all d'Reegelen hei duerch: https://www.government.nl/.../lockdown-measures-tightened...

Passt op: Am Text steet 20:30, dat ass falsch. Déi richteg Zäit ass 21:00.

Mir hoffen dir bleift positiv an test negativ.

Ären LSNL


Obligatoreschen PCR Test (27.12.2020)

OPGEPASST léif Studenten,

Déi hollännesch Regierung huet decidéiert fir en obligatoreschen Beweis vun engem negativen Covid19 PCR Test ab en Dënschden den 29. Dezember anzeféieren. Dës Mesure gëllt fir all Persoun déi mat Zuch, Bus oder Fliger aus engem Risiko-Land areest, wat am Moment déi ganz EU an dofir och Lëtzebuerg betrëfft. Hei kennt dir déi nei Mesure duerchliesen: https://www.government.nl/.../people-arriving-from-eu...

Wann dëst op Iech zoutrefft, dann bieden mir Iech sou séier ewéi méiglech en Test unzefroen, dëst kennt dir entweder bei der ACEL oder beim MyGuichet maachen:

- ACEL: https://acel.lu/2020/08/05/covid-19-voucher-fir-studenten/

- MyGuichet: https://guichet.public.lu/.../test-voyage-sejour-etranger...

Den Zäitpunkt vun dëser Mesure ass enorm ongënschteg an wann Iech dëst an eng schwiereg Situatioun setzt, dann zéckt net eis ze schreiwen, mir hëllefen Iech gären eng Léisung ze fannen.

Bleift gesond an monter,

Ären LSNL

5 Wochen Lockdown (15.12.2020)

Léif Studenten,

Ab haut geet Holland fir 5 Wochen bis den 19. Januar an en Lockdown, dat heescht:

- alles ass zou ausser déi wichtegst Geschäfter (Supermarché, Drogerie, etc..)

- et dierf een just nach 2 Leit invitéieren an sech dobaussen mat 1er Persoun aus engem aneren Haushalt ophalen

- all d'Schoulen inklusiv Uni'en sinn zou, ausser fir wichteg Examen déi nach dës Woch statt fannen

Mir bieden Iech déi nei Reegelen hei duerch ze liesen: https://www.government.nl/.../lockdown-in-order-to...

Et gëtt och ugerooden net an d'Ausland ze fueren an op net-essentiell Reesen ze verzichten. Et ass awer natierlech erlaabt fir Chrëschtdag heem bei d'Famill ze fueren an duerno erem zeréck op d'Uni. Wéi ëmmer roden mir iech un fir en Beweis derbäi ze hunn dass dir zu Lëtzebuerg wunnt wann dir op Lëtzebuerg fuert an vice-versa. Des Weideren gëllt d'10 Deeg Quarantän nach ëmmer wann een zeréck an Holland kënnt well Lëtzebuerg nach ëmmer als Risikogebitt agestuuft ass.

Eis ass och kloer dass verschiddener vun Iech fir Praktiken op d'Uni mussen, wéi är Uni dat no den Feierdeeg handelt muss dir perséinlech vun ärer Uni erausfannen.

Den LSNL Comité wënscht Iech all schéin an erhuelsam Feierdeeg.

Bleift gesond an monter,

Ären LSNL

LSNL @ Studentefoire (12.11.2020)

Léif Studenten,

De LSNL huet en Online Stand op der digitaler Studentefoire déi haut a muer stattfënnt: https://studentefoire-goes-digital.lu/en/stand/visiting/205

Wann dir Froen zum Studium an/oder Liewen an Holland hutt oder wëllt méi iwwert de LSNL wëssen, dann zeckt net fir bis laanscht ze kommen!

Studenten aus Amsterdam, Maastricht a Rotterdam stinn iech déi 2 Deeg och iwwert Teams zu Verfügung fir op all Froen z'äntwerten: https://www.lsnl.info/studentefoire-2020

Mir freeën ons drop nei Studente kennen ze leieren!

Doei,

Ären LSNL

Verschärften Corona Reegelen (03.11.2020)

Léif Studenten,


Fir provisoresch 2 Wochen ginn d'Corona Reegelen an Holland elo nach eng Kéier verschäerft.

Wichteg ze bemierken ass dass:

- Een gebieden ass souvill ewéi méiglech doheem ze bleiwen

- Besuch pro Dag op 2 Leit weider limitéiert gëtt

- Een sech ausserhalb vun doheem mat maximal 1 Persoun aus engem aneren Stot ophalen dierf

- Musé'en, Kino'en, Schwämmen, ëffentlech Bibliothéiken, etc op Weideres zou sinn

- Sport mat/bei aneren Leit op en minimum soll reduzéiert ginn

Liest Iech weg all d'Reegelen hei duerch: https://www.government.nl/.../temporary-tightening-of...

Bleift gesond an monter, an passt op Iech op,

Ären LSNL

10 Deeg Quarantän (22.10.2020)

Léif Studenten,

Den hollänneschen Ausseministère huet Lëtzebuerg wéinst den klammenden Infektiounszuelen als Risikogebitt deklaréiert an orange agestuuft.

Dëst huet als Konsequenz dass jiddereen deen ab elo vun Lëtzebuerg an Holland reest 10 Deeg an Quarantän muss, och wann een en negativen Test huet.

D'Quarantän Reegelen an weider Informatiounen fannt dir op dëser Säit: https://www.government.nl/topics/coronavirus-covid-19/tackling-new-coronavirus-in-the-netherlands/travel-and-holidays/self-quarantine

Mir wëllen och drop hiweisen dass des Quarantän dierf ënnerbrach ginn wann een innerhalb vun deenen 10 Deeg erëm zeréck op Lëtzebuerg muss fueren. Weider Reegelen fir d'Ënnerbriechen vun der Quarantän fannt dir op dëser Säit: https://www.government.nl/topics/coronavirus-covid-19/tackling-new-coronavirus-in-the-netherlands/travel-and-holidays/when-you-dont-have-to-self-quarantine

Mir bieden Iech och nach eng Kéier Iech un d'Reegelen ze halen, är Hänn reegelméisseg ze wäschen, souvill ewéi méiglech ären Mask unzedoen, ëmmer 1.5m Ofstand ze halen an Iech testen ze loossen soubal dir Symptomer bemierkt. Liest Iech weg all d'Reegelen op dëser Säit nach eng Kéier duerch: https://www.government.nl/topics/coronavirus-covid-19/tackling-new-coronavirus-in-the-netherlands

Bleift gesond an monter,

Ären LSNL :)

Oochener Bal (13.10.2020)

Leif Frënn vum AVL,

De 24. Oktober ass eisen traditionellen Oochener Bal an der Apoteca. Dat ganzt wäert des Joer natierlech bëssi anescht si wei soss Joren, an zwar wäert de ganze Bal am setzen stattfannen. Jiddereen huet seng fest Sëtzplaz an déi kennen och net getosch ginn, et wäert sou wei an de Caféë sinn.

Dat ganzt fänkt dann och schonn um 19 Auer un an da ginn d'Leit gestaffelt an 3 Gruppen (19:00, 19:30 an 20:00) eragelooss. Sou kenne mir de Raum vun hannen no fir fëllen ouni dass ze vill Trafic an de Gäng ass. Mir bieden iech also och zesumme mat äre Kolleegen mat deenen der um Dësch wëllt setzen gläichzäiteg unzekommen. Banne gelt natierlech eng streng Maskenpflicht, bis der op ärer Platz setzt. Um Mëtternuecht muss dann awer och scho jiddereen dobausse sinn, dofir fänke mir um 23:30 schonn un déi eicht erauszekieren.

D' Serveuren bréngen iech da Gedrénks oder och Fingerfoods, fir de klengen Honger, déi der bestelle kennt, bis bei den Dësch.

D’Entrée kascht wei all Joer 3 Euro, mee dir musst iech des kéier am Virfeld umellen. Dëst maacht der per Mail beim mathis.michels@avl.lu. Gidd dobäi w.e.g. äre ganzen Numm, d’Auerzäit zu där der komme wëllt, an de Cercle mat un. Vir sécher ze goen dass sech net vill Leit umellen ouni ze kommen an déi ganz begrenzte Platzen eidel bleiwen, biede mer iech eis Suen sou ze iwwerweisen dass de bis den 23.Oktober 23:59 bei eis um Konto sinn.

Akademischer Verein d'Lëtzebuerger IBAN: LU18 0019 1755 6653 8000 SWIFT: BCEELULL Op eisem Site avl.lu fannt der och en QR-Code fir iwwert Digicash ze bezuelen. https://www.avl.lu/kontakt/

Mir hoffe vill kënneg a gesond Leit erëmzegesinn an e flotten Owend matenee verbréngen ze kennen,

Bis hoffentlech geschwënn a Mat frëndleche Gréiss,

den AVL Comité

Friblëtz Intercercle (09.10.2020)

Léif Cerclen,

De Friblëtz organiséiert och dëst Joer nees säin traditionelle Ski-Weekend! Sou wei lescht Joer, fuere mer och nächst Saison nees ob Gstaad an de Chalet St. Stephan (Campo Grande). Dir kennt hei souwuel Ski / Snowboard oder treppelen / Schlitt fuere goen.

*****Weider Detailer*****

D'Event start de 26. Februar a mir verloossen Chalet den 28. am Nomëtten. deDe Präis läit bei 70CHF pro Persoun.

Inclus ass d'Iwwernuechtung, Moies- an Owesiessen, den Transport hin an zeréck vu Fribourg - St. Stephan + Transport vum Chalet bis bei de Skilift. De Skipass ass net inclus.

De Chalet ass ob selwecht Distanz vun 2 Ski-Gebitter: Adelboden a Gstaad. Am Chalet selwer hu mer en Partyraum, eng Kichen, Better a getrennten Duschen. Délai fir Umeldungen a bezuelen ass de 15ten Februar (Mëtternuecht!) oder soubal 60 Leit ugemellt sinn!

Stornéiere kenn dir bis den 19. Februar. Wann et net sollt méiglech si Ski oder Snowboard ze fueren, këmmere mir eis em en alternative Programm.

Wéider Infoe fann dir och nach op eiser Säit: www.fribletz.lu

Oder um offizielle Facebook-Event: https://www.facebook.com/events/774106413377764

Mir free'en eis ob en flotte Weekend mat Iech! De Friblëtz

Verstärkt Coronavirus Reegelen (Update) (29.09.2020)

Léif Studenten,

Um 19h den Owend huet déi hollännesch Regierung opgrond vun der enorm héijer an klammender Unzuel un Neiinfektiounen méi streng Corona-Reegelen an d'Liewen geruff.

Mir bieden Iech des Reegelen duerch ze liesen:

Lëtzebuerg ass am Moment net als Risiko-Land ugesinn an dofir muss een och net a Quarantän. Et dierf een sech awer um Wee fir an Holland/op Lëtzebuerg just 48h an der Belge ophalen.

Och wann et keng Rees Restriktiounen ginn, bieden mir Iech awer fir är Deplacementer vun Amsterdam op Lëtzebuerg an ëmgedréint op essentiell Grënn ze limitéieren fir dass och net ze vill Leit zesummen am Auto setzen bzw. am ëffentlechen Transport (Zuch, Bus, Fliger).

Mir roden Iech och un ären Mietvertrag, ären Certificat of Enrollment, är Studentekaart an är Carte d'Identité derbäi ze hunn. Dobäi ass en Beweis fir den Grond fir an Holland/op Lëtzebuerg ze fueren och ganz wëllkomm.

Och eis LSNL Eventer wäerten vun dësen neien Mesuren betraff sinn. Mir halen Iech um Lafenden an kucken wat nach méiglech ass.

Passt op Iech op an bleift gesond.

Ären LSNL :)

(https://www.rijksoverheid.nl/actueel/nieuws/2020/09/28/aangescherpte-maatregelen-om-de-verspreiding-van-het-virus-terug-te-dringen)

Minstère MA Masterthesis (31.08.2020)

De Service d’économie rural vum Ministère de l’Agriculture, de la Viticulture et du Développement rural sicht motivéiert Studenten déi eng Masterthesis am akademeschen Joer 2020/2021 schreiwen am Kader vun hiren Projeten. Méi Informatiounen fann dir an den 2 Dokumenter hei drënner:

https://acel.lhisp.com/url/qe6ansbzjqezijwr

https://acel.lhisp.com/url/ywyareqnhqe3ac2v

Benevolat chez Greenpeace (26.08.2020)

Hallo,

Greenpeace sucht junge Freiwillige, die bereit sind, sich mit uns für die Umwelt zu engagieren.

Weitere Einzelheiten finden Sie im Anhang.

Mit freundlichen Grüssen,

Florence und Marguerite.

[DE] Studentenverein Ausland Ehrenamt.pdf

COVID-19 Voucher fir Studenten (05.08.2020)

Léif Studenten,

D'ACEL huet elo grad hir nei Plattform lancéiert op der d'Studenten en COVID-19 Test ufroen kennen, wann sie desen am Kader vun hierem Studium brauchen!

Weider Info'en fannt dir hei: https://acel.lu/2020/08/05/covid-19-voucher-fir-studenten/

Coronavirus Lockerungen (30.05.2020)

Léif Studenten,

Wéi dir villäicht matkritt hutt ginn an Holland en Méinden d'Coronavirus Reegelen en bëssi gelackert. Mir bieden Iech dofir déi nei Reegelen op dëser Websäit duerch ze liesen: https://www.government.nl/…/tackling-new-corona…/public-life.

Mir wëllen och drop opmierksam maachen dass déi Hollännesch Regierung explizitt schreift dass een am ëffentlechen Transport eng net-medezinesch Mask muss undoen. Vun der Ambassade hunn mir awer op Nofro erkläert kritt dass d'Droen vun den medezineschen Masken déi zu Lëtzebuerg verdeelt goufen och an der Rei ass. Falls hei en Problem opkënnt dann sot eis weg Bescheed.

Mir wënschen Iech nach Courage an vill Gléck fir den Rescht vum Schouljoer. Bis dohin, doei, ären LSNL :)

Europa Dag (09.05.2020)

Léif Studenten,

Wéi dir wësst feieren mir haut den Europa Dag, en ganz speziellen Dag haaptsächlech an dësen Zäiten.

Fir d'Wichtegkeet vun dëser Unioun ervir ze hiewen an d'Valeuren vun dëser Unioun ze ënnersträichen huet den Aussen- and Europaministère dësen flotten Video publizéiert (https://www.youtube.com/watch?reload=9&v=FE2_0umsqXQ).

Niewebäi ass och eng Plattform (https://www.europe-day.lu) opgesat gin op där een allerlee Videoen, interessant Documentairen an flott Spiller kann fannen.

Mir hoffen dir bleift gesond an monter. Doei, ären LSNL :)


Q&A Rees zeréck an Holland (17.04.2020)

Léif Studenten,

Eis ass opgefall dass verschiddener ënner Iech erëm an Holland fueren mussen an dobäi puer Froen opkomm sinn. Mir wollten dofir bëssi Kloerheet schafen mat engem klengen Q&A fir dass jiddereen Bescheed weess.

Wéieng Dokumenter muss ech mathuelen?

Mir roden dir un däin Mietvertrag, däin Certificat of Enrollment, deng Studentekaart an deng Carte d'Identité derbäi ze hunn. Dobäi ass en Beweis fir den Grond fir an Holland ze fueren och ganz wëllkomm bei der Police, sief et eng Kopie vum Datum vum Examen oder soss eppes Wichteges. Vergiess och net en Certificat de Residence vun denger Gemeng matzehuelen falls du erëm op Lëtzebuerg zeréck wëlls fueren.

Ech fannen mäin Mietvertrag oder mäin Certificat of Enrollment net?

Wéi déi meeschten Studenten hues och du warscheinlech schonn d'Bourse beim Cedies ugefrot. Dann hues du och missen däin Mietvertrag an däin Certificat of Enrollment eroplueden. Dës Dokumenter kanns du dann ganz einfach vum MyGuichet erëm eroflueden an ausprinten. Falls dëst net den Fall ass, dann kanns du am Noutfall och en Certificat vum Service Consulaire ausstellen loossen. Scheck heifir eng E-Mail op d’Ambassade (lahaye.amb@mae.etat.lu) mat kuerzer Erklärung firwat dass de muss reesen an

mat dësen Donnéeën: Numm, Gebuertsdatum an Platz, Adress zu Lëtzebuerg, Autosmodell an Immatrikulatioun, Datum vum Trajet.

Wéi vill Leit dierf ech mathuelen?

An Holland dierfen maximal 2 (net familiär) Persounen en méi klengen Ofstand ewéi 1,5m hunn, dëst gëllt och am Auto. An der Belge muss, wann eng 2. Persoun matfiert, des hannert dem Fuerer, souwäit wéi méiglech vum Fuerer fort setzen. Mir roden dir dofir un, just eng 2. Persoun matzehuelen wann dës Persoun kéng Méiglechkeet huet eleng an ze fueren.

Muss ech an Quarantän an Holland?

Nee, an Holland muss een net an eng Quarantän wann een aus dem Ausland kënnt.

Falls dir nach weider Froen hutt dann schreift eis déi einfach d'Commentairen.

Mir hoffen dir bleift alleguer gesond an monter.

Doei, ären LSNL :)


Communiqué vun der Ambassade (17.03.2020)

Léif Studenten,

Hei en Communiqué vun der Lëtzebuerger Ambassade zu Den Haag un all déi Studenten déi sech am Moment nach an Holland befannen:

The Ministry of Foreign and European Affairs asks Luxembourg nationals and residents who are currently staying abroad or studying abroad to urgently check their possibilities to make their way back to Luxembourg.

Indeed, the availability of options to come back diminishes as more and more countries impose restrictions on movement. In these circumstances, there is a risk that a return to Luxembourg may soon not be possible anymore.

As of today, the Ministry recommends Luxembourg nationals and residents who are currently abroad, especially outside of the Schengen space, and depending on their particular situation, to check with their travel agency and/or airline for return flights to Luxembourg. If needed, contact the Luxembourg embassy accredited to the country in question https://maee.gouvernement.lu/…/missions-diplomatiques-et-co…, or the Ministry of Foreign and European Affairs https://maee.gouvernement.lu/…/di…/affaires-consulaires.html.

For Luxembourg nationals and residents who wish to return to Luxembourg, the borders will be open.

Merci fir är Opmierksamkeet,

Thomas Nieuwenhuis

President LSNL


Coronavirus Informatiounen (13.03.2020)

Opgepasst léif Studenten,

Liest Iech dësen Communiqué zum Coronavirus weg genau duerch!

Als aller eicht wëllen mir Iech zu Häerz leeën calme ze bleiwen, Panik mécht d'Situatioun just nach méi schlëmm.

Gëschter ass vun der Vereenegung vun den Universitéiten an Héichschoulen an Holland eng Richtlinn eraus ginn dass d'Uni'en weder offline Coursen nach offline Examen sollen bis den 31ten Mäerz halen. Wat heescht dat fir dech? Dëst ass nëmmen eng Richtlinn, all Uni dierf selwer entscheeden wéi Sie des Richtlinn befollegt, woubäi eng Partie Uni'en des Richtlinn schonn ëmgesat hunn. Dofir roden mir Iech iwwer déi nächst 2 Wochen reegelméisseg är Uni Website an är Uni E-Mailen ze kontrolléieren fir weider Informatiounen.

Den hollänneschen Gesondheetsministère réit den Leit of sech am Moment vill ze deplacéieren well dat den Risiko fir d'Verbreedung vum Virus just erhéicht. Dozou gehéiert och eng Rees zeréck op Lëtzebuerg. Wann dir awer onbedéngt elo zeréck op Lëtzebuerg wëllt, dann benotzt weg sou vill wéi méiglech eisen LSNL Carpooling Grupp, fir den Risiko mat aneren Leit an Kontakt ze kommen ze miniméieren. Fir déi Leit déi selwer mam Auto ënnerwee sinn, bieden mir Iech an eisem LSNL Carpooling Bescheed ze soen an souvill Lëtzebuerger Studenten matzehuelen wéi méiglech.

Wann dir Symptomer vum Virus bei Iech feststellt an nach an Holland sidd dann rufft onbedéngt bei en lokalen Dokter un an froot fir en RDV an fuert net nach als eicht zeréck op Lëtzebuerg. Dir kritt d'Suen vun enger Visitt médicale an Holland och vun der Krankekeess zeréckbezuelt. Och wann den Risiko kleng ass dass iech eppes geschitt wann dir den Virus hutt, kenn dir ëmmer nach den Virus weider verdeelen. Wann dir identifizéiert sidd mam Virus, sot onbedéngt ärer Uni Bescheed an bleift mat hinnen an Kontakt.

Liest och weg d'Informatiounen vun dësen 2 Siten fir iwwer all Risiken am Bild ze sinn:

- https://www.rivm.nl/…/novel-coronavir…/questions-and-answers

- https://gouvernement.lu/…/12-cdg-extraordinaire-coronavirus…

Merci fir är Opmierksamkeet,

Thomas Nieuwenhuis

President LSNL